Хави расман "Барселона"дан "Ал Садд"га ўтишини маълум қилди, дея хабар бермоқда AS нашри.
"Мен 35 ёшдаман, шундан 25 йилини "Барселона"да ўтказдим" - худди, шундай гаплар билан ХАВИ номи билан машҳур бўлган Хавьер Эрнандес Креус матбуот-анжуманида сўз бошлади.
"Энди эса пастроқ даражада бўлса-да, Қатар чемпионатига ўтишга қарор қилдим. Лекин, жамоага яна қайтаман. Спорт директори бўлибми, мураббийлар штабига ишга бўладими барчасига розиман. Муҳими, қайтаман. Қабул қилган қароримга келсак, бу жуда оғир бўлди. Сени қўллаб-қувватлаган мухлисларни тарк этиш бу жуда оғир. Бироқ, айтиб ўтганимдек мен клубга яна қайтаман."
Таъкидлаб ўтамиз, тажрибали футболчи испан клубидаги фаолияти давомида саккиз марта Испания чемпионлигини қўлга киритган, икки бора Испания кубогиа эга чиққан, олти марта мамлакат Суперкубогини ҳамда уч марта Чемпионлар лигасида зафар қучишга муваффақ бўлган.
|
