"Ювентус" ҳужумчиси Фернандо Льоренте "Барселона"га қарши Чемпионлар лигаси финал учрашуви ҳақида фикр билдирди.
Ушбу жамоалар ўртасидаги ўйин 6 июнь куни Берлинда бўлиб ўтади.
"Бизга осон бўлмаслигини биламиз, чунки ҳозирда ўзининг энг яхши формасида бўлиб турган жамоа билан тўқнаш келамиз. Улар айни дамда жаҳоннинг энг кучли жамоаси. "Барселона"нинг ҳужум чизиғида ўзга саёраликлар ўйнайди. Аммо биз ўз ўйинимизни намойиш этиб, ғалаба қозонишга уриниб кўрамиз.
Финалда "Барселона" фаворит, аммо футболда доимо энг яхшилар ғалаба қозонавермайди" - дейди Льоренте.
